നിർമ്മിത ബുദ്ധിയും റോബോട്ടിക്‌സും

Spread our news by sharing in social media

നിർമ്മിത ബുദ്ധിയിലും(Artifical Intelligence) റോബോട്ടിക്‌സിലുമുണ്ടായ (Robotics) അത്ഭുതകരമായ പുരോഗതിയും ശാസ്ത്രത്തിന്റെ എല്ലാ മേഖലകളിലുളള അവയുടെ പ്രയോഗവും തികച്ചും വിസ്മയിപ്പിക്കുന്നതാണ്. ഏതാനും ദശാബ്ദങ്ങൾക്കുമുമ്പുവരെ നമുക്ക് സ്വപ്‌നം കാണാൻപോലും കഴിയാതിരുന്ന നേട്ടങ്ങളാണ് ഇതുവഴി ഉണ്ടായിട്ടുള്ളത്.

സ്മാർട്ട് ഫോണുകളെക്കുറിച്ചോ, ഇന്റർനെറ്റിലെ വിപുലമായ വിജ്ഞാന ശേഖരത്തിൽനിന്നും അനായാസേന വിവരങ്ങൾ ലഭ്യമാക്കുന്ന സെർച്ച് എൻജിനുകളെക്കുറിച്ചോ ഡ്രൈവറില്ലാതെ നിരത്തിലോടുന്ന കാറുകൾ സാധ്യമാകുന്നതിനെക്കുറിച്ചോ മുമ്പ് ആരെങ്കിലും ചിന്തിച്ചിട്ടുപോലും ഉണ്ടായിരുന്നോ? അല്ലെങ്കിൽ, ലണ്ടനിലുളള ഡോക്ടർ കൽക്കത്തയിലിരിക്കുന്ന റോബോട്ടുകളുടെ സഹായത്തോടെ അതിസൂക്ഷ്മമായ ശസ്ത്രക്രിയകൾ നടത്തുന്ന രീതിയെക്കുറിച്ച് പണ്ട് ആരെങ്കിലും ചിന്തിച്ചിട്ടുണ്ടായിരുന്നോ? കൃഷിയിടങ്ങൾക്ക് മുകളിൽ പറന്നുകൊണ്ട് വിളകളെക്കുറിച്ചും മണ്ണിനെക്കുറിച്ചും കാലാവസ്ഥയെക്കുറിച്ചും മറ്റും കൃത്യമായ വിവരങ്ങൾ നൽകുന്ന ഡ്രോണുകളെപ്പറ്റിയോ കൃത്യമായ അളവിൽ വളവും കീടനാശിനിയും പ്രയോഗിച്ചുകൊണ്ട് അവയുടെ ഉപയോഗം ഗണ്യമായി കുറയ്ക്കുന്ന അഗ്രിബോട്ടുകളെ(അഴൃശയീെേഅഴൃശരൗഹൗേൃമഹ ഞീയീെേ)ക്കുറിച്ചോ പണ്ട് ആർക്കും ചിന്തിക്കാൻ പോലും പറ്റുമായിരുന്നില്ല. ഉല്പാദനത്തിന്റെയും സാമൂഹ്യജീവിതത്തിന്റെയും എല്ലാ മേഖലകളിലും ഇന്ന് ഇത്തരത്തിൽ നിരവധി ഉദാഹരണങ്ങൾ കാണാൻ കഴിയും. നിർമ്മിത ബുദ്ധിയിലും റോബോട്ടിക്‌സിലും ഉണ്ടായിക്കൊണ്ടിരിക്കുന്ന നിരന്തരമായ വികാസത്തിലൂടെ ഇതിലും എത്രയോ വലിയ കാര്യങ്ങൾ വരാനിരിക്കുന്നതേയുളളൂ. ശാസ്ത്ര-സാങ്കേതിക മേഖലകളിലെ ഇത്തരം വിസ്മയിപ്പിക്കുന്ന പുരോഗതി നിരന്തരം നടക്കുന്നത് ശാസ്ത്ര പുരോഗതിയെ പ്രോത്സാഹിപ്പിക്കുന്നില്ലെന്നതോ പോകട്ടെ ശാസ്ത്രീയ വീക്ഷണം ഉയർന്നുവരുന്നതിനെ പലരീതിയിലും തടസ്സപ്പെടുത്തുകയും, മരണാസന്ന മുതലാളിത്ത വ്യവസ്ഥിതിയെ മുന്നോട്ടു കൊണ്ടുപോകാൻ ശാസ്ത്രത്തിന്റെ സാങ്കേതിക വിദ്യയെ മാത്രം ഉപയോഗിക്കുകയും ചെയ്യുന്ന മുതലാളിത്ത വ്യവസ്ഥിതിയിലാണെന്നത് പ്രത്യേകം ശ്രദ്ധിക്കേണ്ടിയിരിക്കുന്നു.

കമ്പ്യൂട്ടർ സയൻസിൽ ഉണ്ടായ വികാസം

ഈ വിഷയം ചർച്ച ചെയ്യുന്നതിനുമുമ്പ് ‘നിർമ്മിത ബുദ്ധിയും റോബോട്ടിക്‌സും എന്താണെന്ന് ചുരുക്കത്തിൽ പ്രതിപാദിക്കേണ്ടിയിരിക്കുന്നു. നിർമ്മിത ബുദ്ധി ഒരു പഠന വിഷയമെന്ന നിലയിൽ 1956ൽ തന്നെ ആരംഭിച്ചിരുന്നുവെങ്കിലും ഈ രംഗത്ത് ഇപ്പോൾ കാണുന്ന രീതിയിലുളള പുരോഗതിക്ക് ഇരുപത്തൊന്നാം നൂറ്റാണ്ടിൽ കമ്പ്യൂട്ടർ സയൻസിലുണ്ടായ മുന്നേറ്റവുമായി അടുത്ത ബന്ധമുണ്ട്. പ്രത്യക്ഷത്തിൽ മനുഷ്യനെപ്പോലെ ചിന്തിച്ച് പ്രവർത്തിക്കുന്നുവെന്ന് തോന്നുന്ന യന്ത്രങ്ങൾ രൂപകൽപ്പന ചെയ്യുവാനായി മനുഷ്യന്റെ ബുദ്ധിശക്തിയെക്കുറിച്ച് സമഗ്രമായി പഠിക്കുക എന്നതാണ്’നിർമ്മിത ബുദ്ധി’ എന്ന ശാസ്ത്രശാഖയുടെ അടിസ്ഥാന ലക്ഷ്യങ്ങളിലൊന്ന്. പ്രയോഗിക്കുന്ന മേഖലയുടെ ആവശ്യകതയ്ക്കനുസരിച്ച് ഭാഷാശാസ്ത്രം(ഘശിഴൗശേെശര)െ, യുക്തിശാസ്ത്രം(ഘീഴശര), നാഡീശാസ്ത്രം(ചലൗൃീ രെശലിരല), മെഷീൻ ലേണിംഗ് (ങലരവശില ഹലമൃിശിഴ), സ്റ്റാറ്റിസ്റ്റിക്കൽ അനാലിസിസ്(ടമേശേേെശരമഹ അിമഹ്യശെ)െ തുടങ്ങിയ വിവിധ ശാസ്ത്ര വിഷയങ്ങളെ ഉപയോഗിച്ച് സവിശേഷവും അത്യന്തം സാങ്കേതികവുമായ ഗവേഷണ പ്രവർത്തനങ്ങളാണ് നിർമ്മിത ബുദ്ധി എന്ന മേഖലയിൽ നടക്കുന്നത്. ഉദാഹരണമായി ഈ രംഗത്തെ ഗവേഷകർ വൻതോതിലുള്ള വിവരങ്ങൾ അതിവേഗം വിശകലനം ചെയ്ത് അനുഭവങ്ങളിൽ’നിന്നും പഠിച്ചുകൊണ്ട് കൂടുതൽ ഉയർന്ന രീതിയിൽ പ്രവർത്തിക്കാനുള്ള, അത്യന്തം സങ്കീർണ്ണമായ ഗണിതശാസ്ത്ര രീതി(ങമവേലാമശേരമഹ അഹഴീൃശവോ)കളുപയോഗിക്കുന്ന കമ്പ്യൂട്ടർ പ്രോഗ്രാമുകൾ ഉണ്ടാക്കാൻ നിർമ്മിത ബുദ്ധി ഉപയോഗിക്കുന്നു. മുൻകൂട്ടി പ്രോഗ്രാം ചെയ്ത നിർദ്ദേശങ്ങൾ (കിേെൃൗരശേീി)െ അനുസരിച്ച് യന്ത്രങ്ങൾ മനുഷ്യനുമായി മത്സരിക്കുന്ന കളികളെ (ഏമാല)െ ഉദാഹരണമായി എടുക്കാം. ഗണിതശാസ്ത്ര രീതികൾ ഉപയോഗിച്ച് പ്രവർത്തിക്കുന്ന മെഷീൻ ലേണിംഗ് വിദ്യക(ങലരവശില ഘലമൃിശിഴ ഠലരവിശൂൗല)െളാൽ നിയന്ത്രിക്കപ്പെടുന്ന യന്ത്രങ്ങൾക്ക് ഓരോ കളിയിൽനിന്നും ലഭിക്കുന്ന വിവരങ്ങൾ സൂക്ഷിച്ചുവച്ചും വിശകലനം ചെയ്തും”അനുഭവങ്ങളി’ൽനിന്നും ‘പഠിക്കാൻ’ കഴിയും. ഇത്തരത്തിൽ ‘നിർമ്മിത ബുദ്ധി’ ഉപയോഗിക്കുന്ന റോബോട്ടുകൾ മനുഷ്യനുമായി വിജയകരമായി കളിക്കാൻ പഠിച്ചുവെന്നുമാത്രമല്ല ചെസ്സ് പോലുളള തന്ത്രപ്രധാനമായ മത്സരക്കളികളിൽ ലോകചാമ്പ്യൻമാരെപ്പോലും തോൽപ്പിച്ചിട്ടുമുണ്ട്.

നിർമ്മിത ബുദ്ധിയും റോബോട്ടിക്‌സും തമ്മിൽ വളരെയടുത്ത ബന്ധമാണുളളത്. യന്ത്രമനുഷ്യന്റെ (ഞീയീെേ) രൂപകൽപ്പനയും നിർമ്മാണവും പ്രവർത്തനവും അതുമായി ബന്ധപ്പെട്ട ആശയരൂപീകരണവുമാണ് റോബോട്ടിക്‌സിന്റെ പ്രതിപാദന വിഷയങ്ങൾ. നിർമ്മിത ബുദ്ധിയാകട്ടെ യന്ത്രമനുഷ്യരെ പ്രത്യേക പ്രവൃത്തികൾ’ബുദ്ധിപരമായി’ ചെയ്യാൻ സ്വയം പ്രാപ്തരാക്കുന്ന കമ്പ്യൂട്ടർ പ്രാഗ്രാമുകൾ സൃഷ്ടിക്കാനാണ് ഉപയോഗിക്കുന്നത്. ഇതുവരെ ഉപയോഗിച്ചുവന്ന, മനുഷ്യൻ നിയന്ത്രിക്കുന്ന യന്ത്രങ്ങളിൽനിന്നും വ്യത്യസ്തമായി മനുഷ്യരുടെ നിയന്ത്രണമില്ലാതെ സ്വതന്ത്രമായി പ്രത്യേക പ്രവൃത്തികൾ ചെയ്യാൻ പ്രാപ്തരാക്കപ്പെട്ട യന്ത്രങ്ങളാണ് റോബോട്ടുകൾ. (പുറത്തുനിന്നും ലഭിക്കുന്ന സന്ദേശങ്ങൾ തിരിച്ചറിയാൻ പ്രാപ്തിയുള്ള ഉപകരണങ്ങളടങ്ങിയ ഈ യന്ത്രമനുഷ്യൻ പ്രവർത്തനം ആരംഭിക്കുന്നതുതന്നെ ഇത്തരം സന്ദേശങ്ങളോട് പ്രതികരിച്ചുകൊണ്ടാണ്.) സൈബർനെറ്റിക്‌സും(ഇ്യയലൃിലശേര)െ കമ്പ്യൂട്ടർ സയൻസും ഉൾപ്പെടെ വിവിധ ശാസ്ത്രശാഖകൾ ചേർന്ന ഒരു പഠനവിഷയമാണ് റോബോട്ടിക്‌സ്. നിർമ്മിത ബുദ്ധി ഉദയം ചെയ്യുന്നതിന് ഏതാണ്ട് ഒരു ദശാബ്ദം മുമ്പുവന്ന സൈബർനെറ്റിക്‌സ്, ഗണിതശാസ്ത്രം, ജീവശാസ്ത്രം, ശരീരശാസ്ത്രം ,നാഡീശാസ്ത്രം തുടങ്ങിയ ശാസ്ത്രവിഷയങ്ങളുടെ ഒരു സംയോജനമാണ്. ജീവനുള്ള വസ്തുക്കളിലും യന്ത്രങ്ങളിലുമുള്ള വാർത്താവിനിമയ നിയന്ത്രണ സംവിധാനങ്ങളാണ് സൈബർനെറ്റിക്‌സിന്റെ പ്രതിപാദനവിഷയം. ചില പ്രത്യേക നടപടികൾ എടുക്കാൻ പ്രേരിപ്പിക്കുന്ന ഫീഡ്ബാക്ക് ലൂപ്പുകളടങ്ങിയതാണ് വാർത്താവിനിമയ നിയന്ത്രണ സംവിധാനം. യന്ത്രമനുഷ്യന്റെ ഉല്പാദനം മാത്രമല്ല, കമ്പ്യൂട്ടർ സംവിധാനവും റോബോട്ടിക്‌സിൽ ഉൾപ്പെടുന്നു എന്നതാണ് മനസ്സിലാക്കേണ്ട മറ്റൊരു കാര്യം. യന്ത്രമനുഷ്യന്റെ സൃഷ്ടി എങ്ങിനെ വിവിധ മേഖലകളിൽ ഓട്ടോമേഷൻ (അൗീോമശേീി) കൊണ്ടുവരുന്നു എന്നതുപോലെ തന്നെ കമ്പ്യൂട്ടർവൽകൃത സംവിധാനങ്ങളിലെ പ്രക്രിയകളിൽ റോബോട്ടിക്‌സ് ഓട്ടോമേഷൻ കൊണ്ടുവരുന്നു. ഇതിന്റെ ഫലമായി മനുഷ്യൻ കമ്പ്യൂട്ടറിൽ ചെയ്തുവന്ന ആവർത്തനസ്വഭാവമുള്ള പ്രവൃത്തികൾ ഇനി യാന്ത്രികമാക്കാം. അതായത് ഇനിമുതൽ ഇത്തരം പ്രവൃത്തികൾ ഒരിക്കലും വിശ്രമിക്കാത്ത സോഫ്റ്റ് വെയർ റോബോട്ടുകൾ അഥവാ വെർച്വൽ അസിസ്റ്റന്റ് (ഢശൃൗേമഹ അശൈേെമി)േ ചെയ്യും. കമ്പ്യൂട്ടർ അഥവാ റോബോട്ടിക് പ്രോസസ് ഓട്ടോമേഷൻ(ഞീയീശേര ജൃീരല ൈഅൗീോമശേീി) എന്നറിയപ്പെടുന്ന ഈ സംവിധാനം ബാങ്കിംഗ്, വിവരസാങ്കേതിക വിദ്യ, സേവന മേഖല, വ്യാപാരമേഖല തുടങ്ങിയവയിൽ വിവിധ പ്രവൃത്തികൾ ചെയ്യാൻ ഉപയോഗിക്കാം. ഇന്ന് റോബോട്ടിക് പ്രോസസ് ഓട്ടോമേഷൻ പൂർണ്ണതോതിൽ സ്ഥാപിക്കപ്പെട്ടിട്ടില്ലെങ്കിൽപോലും പല രംഗങ്ങളിലും അവയുടെ ഉപയോഗം വർദ്ധിച്ചുകൊണ്ടിരിക്കുകയാണ്.
വെർച്വൽ അസിസ്റ്റന്റിനെ (ഢശൃൗേമഹ അശൈേെമി)േ ചിലപ്പോൾ ഇടപാടുകാരുമായി സംസാരിക്കാനും ഉപയോഗിക്കാറുണ്ട്. അനുഭവങ്ങളിൽ നിന്നും പഠിക്കാനുളള ഇവയുടെ കഴിവ് കാരണം കൂടുതൽ നല്ല രീതിയിൽ സംസാരിച്ചുകൊണ്ട് ഇടപാടുകാരിൽ ഉയർന്ന തലത്തിലുളള സംതൃപ്തി സൃഷ്ടിക്കുന്നുണ്ടെന്ന് പറയപ്പെടുന്നു. ചൗമിരല എന്ന കമ്പനിയുടെ ഡിജിറ്റൽ കസ്റ്റമർ എൻഗേജ്‌മെന്റ് സൊല്യൂഷൻ വിഭാഗത്തിന്റെ ജനറൽ മാനേജരായ ബെർനാർഡ് ലോവാതിന്റെ അഭിപ്രായപ്രകാരം ‘ഒരു വെർച്വൽ അസിസ്റ്റന്റിന് മനുഷ്യന്റെ ഇടപെടലില്ലാതെതന്നെ മൊത്തം ഇടപാടുകാരുമായുള്ള സംഭാഷണങ്ങളുടെ 60-70 ശതമാനം വരെ ഇപ്പോൾ കൈകാര്യം ചെയ്യാനാവുന്നുണ്ട്- അഞ്ചുവർഷം മുമ്പ് ഇത് 25-30 ശതമാനം മാത്രമായിരുന്നു’. മുൻകൂട്ടി പ്രോഗ്രാം ചെയ്ത വോയ്‌സ് കമാന്റുകളും അൾഗോരിതങ്ങളും ഉൾപ്പെടുന്ന, ശബ്ദങ്ങളെ തിരിച്ചറിയാനുള്ള സാങ്കേതിക വിദ്യയുടെ അടിസ്ഥാനത്തിൽ നിർമ്മിത ബുദ്ധി ഉപയോഗിച്ച് മനുഷ്യശബ്ദം മനസ്സിലാക്കാനുള്ള ശ്രമവും നടക്കുന്നുണ്ട്. ഇതിനാകട്ടെ, ശബ്ദത്തിന്റെ അർത്ഥവും സന്ദർഭവും ഉൾക്കൊണ്ടുകൊണ്ടുമാത്രമേ കഴിയൂ എന്നതിനാൽ തികച്ചും വ്യത്യസ്തമായ തലത്തിലുള്ളതുമാണ്. യന്ത്രമനുഷ്യനെ ചോദ്യം ചോദിക്കാൻ പഠിപ്പിച്ചുകൊണ്ട് ഇതുമായി ബന്ധപ്പെട്ട് ചില ചെറിയ കാൽവെയ്പുകൾ നടത്തിയിട്ടുണ്ട്. ജോലി സ്ഥലങ്ങളിലെ ഓട്ടോമേഷൻ കൂടുതൽ സ്വീകാര്യമാക്കാനായി വിവിധ ഉദ്ദേശങ്ങൾക്കായുള്ള, കാണാൻ മനുഷ്യനെപ്പോലുള്ള റോബോട്ടുകളെ (ഔാമിീശറ ഞീയീ)േ കൂടുതലായി നിർമ്മിച്ചുകൊണ്ടിരിക്കുകയാണ്. പ്രസിദ്ധമായ ‘സോഫിയ’ എന്ന സോഷ്യൽ റോബോട്ടിന് സംസാരിക്കുമ്പോൾ വിവിധ മുഖഭാവങ്ങൾ പ്രകടിപ്പിക്കാൻ കഴിയുമെന്ന വസ്തുത ഈ രംഗത്തുണ്ടായ മുന്നേറ്റം എത്രത്തോളമായെന്ന് വ്യക്തമാക്കുന്നു. (വ്യാപാര സ്ഥാപനങ്ങൾ, ബാങ്കുകൾ,കടകൾ തുടങ്ങിയവയിൽ ഉപയോഗിക്കാവുന്ന റോബോട്ടുകളുടെ ആദ്യമാതൃകയായിരുന്നു ഇത്) ജനങ്ങളുമായി സംസാരിക്കാനും വികാരങ്ങളും സഹാനുഭൂതിയും പ്രകടിപ്പിക്കാനും കഴിവുണ്ടെന്ന് പറയപ്പെടുന്ന പേഴ്‌സണൽ റോബോട്ടുകളെയും നിർമ്മിച്ചിട്ടുണ്ട്. ജപ്പാനിലെ ടീളആേമിസ ഞീയീശേര െഇീൃുീൃമശേീി എന്ന സ്ഥാപനം നിർമ്മിച്ച, വികാരങ്ങളും സഹാനുഭൂതിയും പ്രകടിപ്പിക്കാൻ പറ്റുമെന്ന് പറയുന്ന ആദ്യത്തെ പേഴ്‌സണൽ റോബോട്ടായ പെപ്പർ(ജലുുലൃ) വിൽപ്പനയ്ക്ക് വെച്ചപ്പോൾ ആയിരം എണ്ണം ഒരുമിനിറ്റുകൊണ്ട് വിറ്റുപോയതായി പറയപ്പെടുന്നു. അതിനുശേഷം ഈ റോബോട്ടുകളെ വാങ്ങാനുള്ള പുതിയ ഓർഡറുകളുടെ ഒരു പ്രളയംതന്നെ ഉണ്ടാവുകയും അത് കാരണം ആ കമ്പനി ഇനിമുതൽ പുതിയ റോബോട്ടുകൾക്കുളള ഓർഡറുകൾ സ്വീകരിക്കില്ല എന്ന തീരുമാനമെടുക്കാൻ നിർബന്ധിതമാവുകയും ചെയ്തു. ഈ മേഖലയിലുണ്ടായ വമ്പിച്ച പുരോഗതിയുടെ വെളിച്ചത്തിൽ മനുഷ്യസ്വഭാവം റോബോട്ടുകളുടെ മേൽ ആരോപിക്കുന്ന അതിവിചിത്രമായ അവകാശവാദങ്ങളും പലപ്പോഴും ഉണ്ടായി. പക്ഷേ നമ്മൾ മനസ്സിലാക്കേണ്ടത് ഈ നേട്ടങ്ങൾ എല്ലാം എത്രതന്നെ സങ്കീർണ്ണവും ഉയർന്നതുമാണെങ്കിലും അവയെല്ലാം മെഷീൻ ലേണിംഗിന്റെയും കമ്പ്യൂട്ടർ സയൻസിന്റെയും അടിസ്ഥാനത്തിലുള്ളതാണ്. ഉദാഹരണമായി, മനുഷ്യന്റെ സംസാരം യഥാർത്ഥത്തിൽ മനസ്സിലാക്കണമെങ്കിൽ ചിന്തിക്കാനുള്ള കഴിവ്, ആശയസംഹിത, യഥാർത്ഥ വികാരങ്ങൾ തുടങ്ങിയ മനുഷ്യ സഹജമായ ശേഷികളും സ്വഭാവ ഗുണങ്ങളും വേണം. ഇത് സാധ്യമാകുന്നത് മനുഷ്യന്റെ സെക്കന്റ് സിഗ്നൽ സിസ്റ്റത്തിലൂടെയാണെന്നത് ബ്രെയിൻ ഫിസിയോളജി സമർത്ഥിച്ചതാണ്. അതുകൊണ്ട് നിർമ്മിത ബുദ്ധിയും മെഷീൻ ലേണിംഗും എത്രതന്നെ വികസിച്ചാലും ഇതുപയോഗിച്ചുള്ള റോബോട്ടുകൾ ഭാവിയിൽ എത്രതന്നെ’സാമർത്ഥ്യ’മുളളവയായാലും യഥാർത്ഥത്തിലുളള ബുദ്ധിയും യുക്തിചിന്തയും എന്നും മനുഷ്യസഹജം മാത്രമായിരിക്കും. അതുകൊണ്ട് നമ്മൾ എപ്പോഴും മനസ്സിൽ സൂക്ഷിക്കേണ്ടതെന്തെന്നാൽ നിർമ്മിത ബുദ്ധിയുടെ നേട്ടങ്ങൾ എത്രതന്നെ കണ്ണഞ്ചിപ്പിക്കുന്നതാണെങ്കിലും അത് മനുഷ്യന്റെ ബുദ്ധിശക്തിയാൽ നിർമ്മിക്കപ്പെട്ടതാണെന്നും അതിന് അതിന്റെ നിർമ്മാതാവായ മനുഷ്യനെ ഒരിക്കലും മറികടക്കാനാവില്ലെന്നതുമാണ്.

നാഗരികതയുടെ  മുന്നേറ്റത്തിന് അപാരമായ സാധ്യതകൾ തുറക്കുന്നു

നിർമ്മിത ബുദ്ധിയിലും റോബോട്ടിക്‌സിലും അതിവേഗമുണ്ടായ വികാസവും ശാസ്ത്രത്തിന്റെ എല്ലാ ശാഖകളിലുമുള്ള അവയുടെ പ്രയോഗവും ‘സാമർത്ഥ്യ’മുള്ള യന്ത്രങ്ങളുടെയും റോബോട്ടുകളുടെയും കമ്പ്യൂട്ടർ പ്രോഗ്രാമുകളുടെയും നിർമ്മിതിയിൽ വിപ്ലവകരമായ മുന്നേറ്റം സൃഷ്ടിച്ചിരിക്കുകയാണ്. ഇത് മനുഷ്യ സംസ്‌ക്കാരത്തിനും നാഗരികതയ്ക്കുംമുന്നിൽ അപാരമായ സാധ്യതകൾ തുറക്കുകയാണ്. ജോലിയിലെ വിരസത മാറ്റിക്കൊണ്ട്, നടുവൊടിക്കുന്ന അദ്ധ്വാനത്തിന് അവധി നൽകിക്കൊണ്ട്, ആവർത്തന സ്വഭാവമുള്ളതും ശ്രമകരവുമായ ജോലികളിൽനിന്ന് മോചിതനായി, താൽപര്യമുണർത്തുന്നതും അർത്ഥവത്തായതും ക്രിയാത്മകവുമായ ജോലികളിൽ ഏർപ്പെടാൻ മനുഷ്യന് ഇത് അവസരം നൽകുന്നു. മാത്രവുമല്ല മുതലാളിത്ത വ്യവസ്ഥിതിയിൽ തൊഴിലാളികൾ ചെയ്യാൻ നിർബന്ധിതമാകുന്ന പല അപകട സാധ്യതകളുള്ള ജോലികളിൽനിന്നും അവരെ മോചിപ്പിക്കാനും റോബോട്ടുകളുടെ ഉപയോഗം കൊണ്ട് സാധ്യമാകും. റോബോട്ടിക്‌സിലും റോബോട്ടുകളിലും ഉണ്ടാകുന്ന പുരോഗതിയും അവ നമ്മുടെ സമൂഹത്തിൽ വ്യാപിക്കുന്നതിനുമനുസരിച്ച് ജനങ്ങൾക്ക് കുറച്ച് സമയം ജോലിചെയ്തുകൊണ്ട് കൂടുതൽ ഉല്പാദിപ്പിക്കാനുള്ള സാഹചര്യം സംജാതമാവുന്നു. അങ്ങിനെ ഓരോ മനുഷ്യനും, അവന്റെ ജോലി എന്തുതന്നെയായാലും, വിദ്യാഭ്യാസ-സാംസ്‌കാരിക ഉദ്യമങ്ങൾക്കായി കൂടുതൽ ഒഴിവു സമയം കണ്ടെത്തിക്കൊണ്ട് തന്റെ വ്യക്തിജീവിതവും സാമൂഹ്യജീവിതവും കൂടുതൽ അർത്ഥവത്തായതും സുന്ദരമായതുമാക്കിത്തീർക്കാൻ കഴിയുക എന്നത് ഇനിമുതൽ വെറുമൊരു ഭാവനയല്ലാതായിരിക്കുന്നു- ഈ ശാസ്ത്ര സാങ്കേതിക നേട്ടങ്ങൾ മനുഷ്യസമൂഹത്തിന്റെ നന്മയ്ക്കായി ഉപയോഗിക്കുകയാണെങ്കിൽ മാത്രം. ഇന്ന് നിർമ്മിത ബുദ്ധിയും റോബോട്ടിക്‌സും എന്തെങ്കിലും നേട്ടം കൊണ്ടുവരാത്ത മേഖലകൾ വിരളമാണ്. ആരോഗ്യപരിപാലന രംഗത്ത് മാത്രം നിരവധി നേട്ടങ്ങളാണ് കൊണ്ടുവന്നിട്ടുള്ളത്. റോബോട്ടുകൾ ഉപയാഗിച്ചുള്ള ശസ്ത്രക്രിയകൾ കുറഞ്ഞ വേദനയും മുറിവും മാത്രം ഉണ്ടാക്കുന്നതും രോഗിക്ക് അതിവേഗം സുഖം പ്രാപിക്കാൻ കഴിയുന്നവയുമാണ്. ഇനി രോഗനിർണ്ണയത്തിന്റെ കാര്യമെടുക്കാം. അർബുദ രോഗനിർണ്ണയം നടത്താൻ സഹായിക്കുന്ന നിർമ്മിത ബുദ്ധി, ഗൂഗിൾ എന്ന കമ്പനിയുടെ മാതൃസ്ഥാപനം വികസിപ്പിച്ചെടുത്തിരിക്കുന്നു. നിർമ്മിത ബുദ്ധി ഉപയോഗിച്ച് പല രോഗങ്ങൾക്കുമുള്ള മരുന്നുകൾ എളുപ്പത്തിലും കുറഞ്ഞ സമയത്തിനുള്ളിലും വികസിപ്പിച്ചെടുക്കാൻ കഴിയുന്നു. നേഴ്‌സിംഗ് രംഗത്തും നിർമ്മിത ബുദ്ധി ഉപയോഗപ്പെടുത്തുന്നുണ്ട്. അപകടംപിടിച്ച രക്ഷാപ്രവർത്തനങ്ങൾക്കുംമറ്റും റോബോട്ടുകളുടെ സഹായം അമൂല്യമാണ്. മനുഷ്യന് കടന്നുചെല്ലാൻ പറ്റാത്ത പല മേഖലകളിലുമുള്ള പര്യവേഷണത്തിന് റോബോട്ടുകൾ കൂടിയേതീരൂ. ഉദാഹരണത്തിന്, അടുത്തകാലത്തായി ഫുക്കുഷിമയിൽ ഒരു പൈപ്പിൽക്കൂടി കടത്താൻ മാത്രം വലുപ്പമുള്ള ഒരു റോബോട്ടിനെ ഉപയോഗിച്ച് ഉരുകിയ ഒരു ന്യൂക്ലീയർ റിയാക്ടറിന്റെ ആന്തരികഭാഗം പരിശോധിക്കുകയുണ്ടായി. അതിനാൽ നിർമ്മിത ബുദ്ധിയിലും റോബോട്ടിക്‌സിലും നിരന്തരം ഉണ്ടായിക്കൊണ്ടിരിക്കുന്ന വികാസത്തിന് ജീവിതത്തിന്റെ എല്ലാ മേഖലകളിലും അതുപോലെ തന്നെ ഉല്പാദന രംഗത്തും വിപ്ലവകരമായ പുരോഗതി ഉണ്ടാക്കാൻ കഴിയുമെന്നതിനും അതേപോലെതന്നെ കാലാവസ്ഥാ വ്യതിയാനമുൾപ്പെടെ മനുഷ്യസമൂഹം അഭിമുഖീകരിക്കുന്ന പല അടിയന്തര പ്രാധാന്യമുള്ള പ്രശ്‌നങ്ങൾ പരിഹരിക്കാൻ സഹായിക്കുമെന്നതിലും തർക്കമില്ല. പക്ഷേ ഇന്നത്തെ മുതലാളിത്ത വ്യവസ്ഥിതിയിൽ ഈ ഉജ്ജ്വലമായ നേട്ടങ്ങൾ എന്തിന് വേണ്ടിയാണ് ഉപയോഗിക്കാൻ പോകുന്നത് എന്നതാണ് പ്രസക്തമായ ചോദ്യം. ഫ്യൂഡലിസത്തിലെ ഇരുണ്ട കാലഘട്ടത്തിനുപുറത്തേയ്ക്ക് സമൂഹത്തെ നയിച്ച ശാസ്ത്രീയ ചിന്താഗതിയെ പരിപോഷിപ്പിക്കുന്നതിനും സമൂഹത്തിന്റെ ജനാധിപത്യവൽക്കരണത്തിനുംവേണ്ടി വാദിച്ച മുതലാളിത്തമല്ല ഇന്ന് നിലനിൽക്കുന്നത്. പണ്ട് അന്നത്തെ സാമൂഹിക ആവശ്യകതയെ പൂർത്തീകരിക്കാനായി, ശാസ്ത്രത്തിന്റെയും സാങ്കേതിക വിദ്യയുടെയും സഹായത്തോടെ ഉല്പാദനത്തിൽ വിപ്ലവകരമായ മുന്നേറ്റം സൃഷ്ടിച്ചുകൊണ്ട് മുതലാളിത്തം സമൂഹത്തെ പുരോഗതിയിലേയ്ക്ക് നയിച്ചു. പക്ഷേ ഇന്ന് മുതലാളിത്തം പ്രതിലോമകരമായി മാറിയിരിക്കുന്ന ഘട്ടത്തിൽ അത് ശാസ്ത്രത്തിന്റെയും സാങ്കേതിക വിദ്യയുടെയും മുന്നേറ്റത്തിന് പലരീതിയിലും വിഘാതം സൃഷ്ടിക്കുകയാണ്. അതുപോലെതന്നെ പണ്ട് ഹിരോഷിമയിലും നാഗസാക്കിയിലും ആറ്റം ബോംബുകൊണ്ടുള്ള ആക്രമണത്തിലൂടെ ഭീകരത സൃഷ്ടിച്ചതുപോലെ ഇന്ന് മുതലാളിത്തം ഈ ശാസ്ത്രത്തിന്റെ നേട്ടങ്ങളെ സമൂഹത്തിനെതിരെ വീണ്ടും ഉപയോഗിക്കാനുള്ള സാധ്യതയും നിലനിൽക്കുന്നുണ്ട്.

നിർമ്മിതബുദ്ധി  ദുരുപയോഗം ചെയ്യുന്ന മുതലാളിത്തം

നിർമ്മിത ബുദ്ധിയിലും റോബോട്ടിക്‌സിലുമുള്ള ഗവേഷണത്തിനായി പ്രതിരോധ വകുപ്പുകൾ പണം ചെലവാക്കുന്നു എന്നത് ഉൽക്കണ്ഠ ഉളവാക്കുന്ന ഒരു വസ്തുതയാണ്. ഉദാഹരണമായി, അമേരിക്കയിൽ യൂണിവേഴ്‌സിറ്റികളിലും കമ്പനികളിലും നിർമ്മിത ബുദ്ധിയിലും റോബോട്ടിക്‌സിലുമുള്ള ഗവേഷണങ്ങൾ സ്‌പോൺസർ ചെയ്തുകൊണ്ടിരിക്കുന്നത് ഉലളലിരല അറ്മിരലറ ഞലലെമൃരവ ജൃീഷലരെേ അഴലിര്യ(ഉഅഞജഅ) ആണ്. കൂടാതെ ഉഅഞജഅ വിവിധങ്ങളായ കഴിവുകളുള്ള റോബോട്ടുകൾ വികസിപ്പിക്കാൻ ഉയർന്ന സംഖ്യ പാരിതോഷികം നൽകിക്കൊണ്ട് നിരവധി മത്സരങ്ങൾ ആവർത്തിച്ച് സംഘടിപ്പിക്കുന്നുണ്ട്. വർഷങ്ങളായി നടക്കുന്ന ഇത്തരം മത്സരങ്ങൾ നിർമ്മിത ബുദ്ധിയുടെയും റോബോട്ടിക്‌സിന്റെയും മേഖലകളിൽ വൻതോതിലുള്ള പുരോഗതിയുണ്ടാക്കിയിട്ടുണ്ട്. ഇപ്പോൾ മൃഗങ്ങളുടെയോ പ്രാണികളുടെയോ യന്ത്രങ്ങളുടെയോ എന്തിന് മനുഷ്യന്റെതന്നെ രൂപത്തിലും വലുപ്പത്തിലുമുള്ളതും പലരീതിയിലുള്ള കഴിവുകളുള്ളതും വിവിധ ആവശ്യകതകൾ നിറവേറ്റാൻ ഉതകുന്നതുമായ നിരവധി റോബോട്ടുകളെ സൃഷ്ടിച്ചിട്ടുണ്ട്. 180 കിലോഗ്രാം ഭാരം എടുത്തുകൊണ്ട് ഏതുതരം പ്രതലത്തിലും സഞ്ചരിക്കാവുന്ന, സെൻസറുകൾ ഉപയോഗിച്ച് ആരെയെങ്കിലും പിന്തുടരാൻ കഴിയുന്ന, അല്ലെങ്കിൽ ഗ്ലോബൽ പൊസിഷനിംഗ് സിസ്റ്റം ഉപയോഗിച്ച് ഒരു പ്രത്യേക സ്ഥലത്ത് എത്തിച്ചേരാൻ കഴിയുന്ന നായയുടെ രൂപത്തിലുളള റോബോട്ട്(ഞീയീശേര ഉീഴ) ഒരുദാഹരണമാണ്. ഗ്ലോബൽ പൊസിഷനിംഗ് സിസ്റ്റവും വീഡിയോ ക്യാമറയും ഉപയോഗിച്ച് പ്രത്യേക സ്ഥലത്തു പോയി വീഡിയോ ദൃശ്യങ്ങൾ എടുക്കാൻ കഴിവുള്ളതും പരസ്പരം കൂട്ടിമുട്ടാതെ പറക്കാൻ കഴിവുള്ളതുമായ റോബോട്ട്-ശലഭങ്ങൾ (ഞീയീ േഉൃമഴീി എഹശല െ)മറ്റൊരുദാഹരണമാണ്. രക്ഷാപ്രവർത്തനങ്ങൾക്കും മറ്റ് ജനോപകാരപ്രദമായ ആവശ്യങ്ങൾക്കും ഇതൊരു വിലപ്പെട്ട സംഭാവനയാണ്. അതുപോലെതന്നെ ഇത്തരം റോബോട്ടുകളെ സൈനിക ആവശ്യങ്ങൾക്കും ഉപയോഗിക്കാനാവുന്നവയാണെന്നത് വ്യക്തമാണ്. അമേരിക്കൻ സൈന്യം ഇറാക്കിലും അഫ്ഗാനിസ്ഥാനിലും ആയിരക്കണക്കിന് റോബോട്ടുകളെ ഉപയോഗിച്ചതായി റിപ്പോർട്ട് ചെയ്യപ്പെട്ടിട്ടുണ്ടെങ്കിലും ഇവയിലൊന്നുംതന്നെ ആയുധങ്ങൾ ഘടിപ്പിച്ചിട്ടുണ്ടായിരുന്നില്ല. ‘സാമൂഹ്യ പ്രവർത്തനങ്ങൾ’ക്കും ‘സംഘാടന’ത്തിനും പേരുകേട്ട ഉറുമ്പുകളുടെ”സാമൂഹ്യ സ്വഭാവം’ പ്രകടിപ്പിക്കുന്ന ‘ആശീിശര മിെേ’ നെ സൃഷ്ടിക്കാനുളള ഗവേഷണങ്ങൾ നടന്നുകൊണ്ടിരിക്കുകയാണ്. വളരെ ചെറിയവയായതിനാൽ ഇവയെ എഞ്ചിനീയറിംഗ് ഉപയോഗിച്ച് നിർമ്മിക്കാൻ കഴിയില്ല. പകരം ത്രീഡി പ്രിന്റിംഗിലൂടെയാണ് ഇവയെ സൃഷ്ടിക്കുന്നത്.

ശാസ്ത്രീയമായി വളരെയധികം സാധ്യതകളുള്ളതാണെങ്കിൽപ്പോലും അവസാനം പറഞ്ഞ രണ്ടുതരം റോബോട്ടുകളെ ദുരുപയോഗം ചെയ്യാനുള്ള സാധ്യതയും കൂടുതലാണ്. കാരണം ആയുധ വ്യവസായ സ്ഥാപനങ്ങൾ യുദ്ധരംഗത്തേയ്ക്കായി റോബോട്ട് സൈനികരെയും(ഞീയീ േടീഹറശലൃ) കൊലയാളി റോബോട്ടുകളെയും (ഗശഹഹലൃ ഞീയീ)േ സൃഷ്ടിക്കാനുള്ള ശ്രമത്തിലാണ്. ഈ വിഷയത്തിൽ അതീവ ഉൽക്കണ്ഠ രേഖപ്പെടുത്തിക്കൊണ്ട് നിർമ്മിത ബുദ്ധി-റോബോട്ടിക്‌സ് മേഖലകളിലെ വിദഗ്ദ്ധർ ഇതിന്റെ അപകടത്തെക്കുറിച്ച് മുന്നറിയിപ്പ് നൽകിയിട്ടുണ്ട്. സ്വയം നിയന്ത്രിത ആയുധ(അൗീേിീാീൗ െണലമുീി) രംഗത്തെ വിദഗ്ദ്ധൻ പോൾ സ്‌കാർ റോബോട്ടുകളുടെ കൂട്ടത്തിന് യുദ്ധരംഗത്ത് കൂടുതൽ വിനാശകാരിയായ മാറ്റം വരുത്താനുള്ള കഴിവുണ്ടെന്ന് വിശദീകരിച്ചിട്ടുണ്ട്. ഇതൊന്നും വെറും ഊഹാപോഹങ്ങളല്ല. വർദ്ധിച്ചുവരുന്ന കമ്പോള പ്രതിസന്ധി കാരണം മുതലാളിത്ത വ്യവസ്ഥിതിയുടെ നിലനിൽപ്പ്തന്നെ അപകടത്തിലായിരിക്കുമ്പോൾ സമ്പദ്ഘടനയുടെ സൈനിക വൽക്കരണം, അതായത് ആയുധ നിർമ്മാണത്തിലൂടെ സമ്പദ്ഘടനയ്ക്ക് കൃത്രിമമായ ഉത്തേജനം നൽകേണ്ടതും പ്രാദേശികമായ സംഘർഷങ്ങളും യുദ്ധങ്ങളും ഉണ്ടാക്കിക്കൊണ്ട് ഈ ആയുധങ്ങൾക്ക് വിപണി കണ്ടെത്തേണ്ടതും ആവശ്യകതയായിരിക്കുകയാണ്. തദ്ഫലമായി സൈനിക മേധാവിത്വത്തിനും ആയുധക്കമ്പോളത്തിലെ മേധാവിത്വത്തിനും സ്വയം നിയന്ത്രിത ആയുധങ്ങൾ ഉൾപ്പെടെയുള്ള ആയുധവിപണിയിൽ അമേരിക്ക, ചൈന, റഷ്യ, ബ്രിട്ടൺ, തുടങ്ങിയ മുതലാളിത്ത-സാമ്രാജ്യത്വ രാജ്യങ്ങൾ ആയുധപ്പന്തയത്തിൽ ഏർപ്പെട്ടുകൊണ്ടിരിക്കുകയാണ്. പെന്റഗൺ പ്രഖ്യാപിച്ച ഠവശൃറ ഛളളലെ േടൃേമലേഴ്യ, റോബോട്ടിക്‌സ്, ഓട്ടോണമസ് സിസ്റ്റംസ്, ബിഗ്ഡാറ്റാ തുടങ്ങിയവയ്ക്ക് ഊന്നൽ നൽകുന്നുവെന്നത് ഇതിന്റെ വ്യക്തമായ സൂചനയാണ്. ഇതിനെത്തുടർന്ന് 2017 ജൂലൈയിൽ ചൈന അവതരിപ്പിച്ച അതിന്റെ ചലഃ േഏലിലൃമശേീി അൃശേളശരശമഹ കിലേഹഹശഴലിരല ഉല്‌ലഹീുാലി േജഹമിൽ നിർമ്മിത ബുദ്ധിക്ക് നിർണ്ണായകമായ സ്ഥാനമാണ് നൽകിയിരിക്കുന്നത്.
ബിബിസി ന്യൂസും ന്യൂയോർക്ക് ടൈംസും റിപ്പോർട്ട് ചെയ്തതനുസരിച്ച് ഗൂഗിളിന്റെ മാതൃസ്ഥാപനം വൻലാഭം ലഭിക്കുന്ന പെന്റഗണിന്റെ ‘ങമ്‌ലി’ പ്രോജക്ട് എടുത്തപ്പോൾ അത് കമ്പനിക്കുള്ളിൽ വൻതോതിലുള്ള പ്രതിഷേധത്തിന് ഇടയാക്കി. ഈ പ്രോജക്ട് അമേരിക്കയുടെ ഡ്രോണുകൾ എടുത്ത വീഡിയോ ഇമേജുകളെ നിർമ്മിത ബുദ്ധി ഉപയോഗിച്ച് വ്യാഖ്യാനിക്കാനും നഗരങ്ങളെ മുഴുവൻ നിരീക്ഷിച്ചുകൊണ്ട് കൂടുതൽ സൂക്ഷ്മമായി ഉന്നം വയ്ക്കാനും ഉദ്ദേശിച്ചുള്ളതാണ്. നിർമ്മിത ബുദ്ധി ഉപയോഗിച്ച് മാരകായുധങ്ങൾ നിർമ്മിക്കാനുള്ള ഗൂഗിളിന്റെ ഈ ആദ്യ പദ്ധതിയിൽ ഉത്കണ്ഠാകുലരായ ആയിരക്കണക്കിന് ഗവേഷകരും ഈ രംഗത്തെ വിദഗ്ദ്ധരും ഇതിൽ പ്രതിഷേധം രേഖപ്പെടുത്തിക്കൊണ്ട് കമ്പനിക്ക് കത്തയയ്ക്കുകയും നിരവധി ഗവേഷകർ ജോലി രാജിവയ്ക്കുകയും ചെയ്തു. ഈ പ്രോജക്ട് തുടരുന്നത് ഗൂഗിളിന്റെ അടിസ്ഥാന മൂല്യങ്ങളുടെയും,ഉീി’ േയല ഋ്ശഹ’എന്ന മോട്ടോയുടെയും ലംഘനവും നൈതിക -ധാർമ്മിക ഉത്തരവാദിത്തത്തിൽനിന്നുള്ള ഒഴിഞ്ഞുമാറലുമാണെന്ന് അവർ വാദിച്ചു. ഇതിന്റെയൊക്കെ ഫലമായി പ്രതിരോധ രംഗത്ത് ഏറ്റെടുക്കാൻ പോകുന്ന കരാറുകൾക്ക് മാർഗ്ഗദർശകമായി ഒരു തത്വസംഹിത ഉണ്ടാക്കാമെന്ന് ഗൂഗിൾ കമ്പനി വാഗ്ദാനം ചെയ്തു.
മുതലാളിത്ത വ്യവസ്ഥിതി എങ്ങിനെയാണ് അതിന്റെ ലാഭക്കൊതി ശാസ്ത്ര-സാങ്കേതിക രംഗത്തേക്ക് വ്യാപിപ്പിക്കുന്നത് എന്നതിന് ഇതിലും പ്രകടമായ മറ്റെന്ത് ഉദാഹരണമാണുള്ളത്? സൈനികവൽക്കരിക്കപ്പെട്ട ഒരു സമ്പദ്ഘടന അതിലെ വിദഗ്ദ്ധൻമാർക്കും ശാസ്ത്രജ്ഞൻമാർക്കും സൃഷ്ടിക്കുന്ന ധാർമ്മിക-നൈതിക ദുരവസ്ഥയ്ക്ക് ഇതിലും നല്ല എന്തുദാഹരണമാണുള്ളത്? പക്ഷേ വലിയൊരു വിഭാഗം ശാസ്ത്രജ്ഞരും ഈ രംഗത്തെ വിദഗ്ദ്ധരും തങ്ങളുടെ ധാർമ്മിക-നൈതിക ഉത്തരവാദിത്തം നിറവേറ്റുമെന്ന് ഉറപ്പിച്ചു പറഞ്ഞുകൊണ്ട് മുന്നോട്ട് വരുന്നുണ്ടെന്നത് ഒരു പ്രത്യാശാകിരണമാണ്. നിർമ്മിത ബുദ്ധി-റോബോട്ടിക്‌സ് രംഗങ്ങളിലെ ആയിരക്കണക്കിന് വിദഗ്ദ്ധർ വിവിധ രാജ്യങ്ങളിൽ സ്വയം നിയന്ത്രിത ആയുധങ്ങൾക്കെതിരെ, അവ മനുഷ്യരാശിയ്ക്കുണ്ടാക്കാൻ പോകുന്ന വൻവിപത്തിനെതിരെ മുന്നറിയിപ്പ് നൽകിക്കൊണ്ട് നടത്തിയ പ്രചാരണത്തിന്റെ ഫലമായാണ് മേൽപ്പറഞ്ഞ പ്രതിഷേധ പരിപാടികൾ നടന്നത്. വെടിമരുന്നിനും അണ്വായുധത്തിനും ശേഷം യുദ്ധരംഗത്തുണ്ടായ മൂന്നാം വിപ്ലവം എന്നു വിശേഷിപ്പിക്കപ്പെടുന്ന ‘സ്വയം നിയന്ത്രിത ആയുധങ്ങൾ’ വികസിപ്പിക്കുന്നത് നിരോധിക്കാൻ ഒരു അന്താരാഷ്ട്ര ഉടമ്പടി വേണമെന്ന് നിർമ്മിത ബുദ്ധി-റോബോട്ടിക്‌സ് രംഗങ്ങളിലെ 3,978 ഗവേഷകരും മറ്റ് രംഗങ്ങളിലുള്ള ശാസ്ത്രജ്ഞൻമാർ, പ്രൊഫസർമാർ, ബുദ്ധിജീവികൾ എന്നിവരുൾപ്പെടെ 22,541 പേരും ഒപ്പിട്ട ഒരു തുറന്ന കത്തിലൂടെ ആവശ്യപ്പെടുകയുണ്ടായി. നിർമ്മിത ബുദ്ധി അടിസ്ഥാനമാക്കിയുള്ള സാങ്കേതിക വിദ്യ ഉപയോഗിക്കുന്ന ആയുധങ്ങൾ ചുരുങ്ങിയ വർഷങ്ങൾക്കുളളിൽ വിന്യസിക്കാൻ നിയമപരമായിട്ടല്ലെങ്കിലും പ്രായോഗികമായി സാധ്യമാണെന്ന കാര്യം ഊന്നിപ്പറഞ്ഞുകൊണ്ട് അവർ ഇപ്രകാരം ഒരു സുപ്രധാന വസ്തുത ഉയർത്തിക്കാട്ടി: ‘അണ്വായുധങ്ങളിൽനിന്നും വ്യത്യസ്തമായി ‘സ്വയം നിയന്ത്രിത ആയുധങ്ങൾ’ നിർമ്മിക്കാൻ വിലകൂടിയതോ ലഭിക്കാൻ ബുദ്ധിമുട്ടുള്ളതോ ആയ വസ്തുക്കൾ ആവശ്യമില്ലാത്തതിനാൽ അവ സർവ്വവ്യാപിയും കുറഞ്ഞ ചിലവിൽ എല്ലാ സൈനിക ശക്തികൾക്കും വൻതോതിൽ ഉല്പാദിപ്പിക്കാൻ കഴിയുംവിധവും ആകും’. അവർ ഇപ്രകാരം മുന്നറിയിപ്പ് നൽകി: ‘ഇത്തരം ആയുധങ്ങൾ കരിഞ്ചന്തയിലും ഭീകരരുടെ കൈകളിലും എത്തിച്ചേരാൻ അധികം താമസമില്ല’. അവർ വീണ്ടും ഊന്നിപ്പറഞ്ഞു:’മനുഷ്യസമൂഹത്തിന് വളരെയധികം പ്രയോജനം ചെയ്യാൻ നിർമ്മിത ബുദ്ധിക്ക് അപാരമായ സാധ്യതകളുണ്ട്, അത് ചെയ്യുക എന്നതുതന്നെയാകണം ഈ മേഖലയുടെ ലക്ഷ്യവും. നിർമ്മിത ബുദ്ധി ഉപയോഗിച്ചുള്ള ആയുധപ്പന്തയം എന്നത് നികൃഷ്ടമായ ആശയമാണ്. ആക്രമണത്തിനായുള്ള സ്വയം നിയന്ത്രിത ആയുധങ്ങൾ നിരോധിച്ചുകൊണ്ട് അതിനെ തടയണം’.

സ്വയം നിയന്ത്രിത ആയുധങ്ങൾക്കെതിരെയുള്ള ഇവരുടെ പ്രചാരണ പ്രവർത്തനങ്ങളെ ജനാധിപത്യ വിശ്വാസികളും സമാധാന കാംക്ഷികളുമായ എല്ലാ ജനങ്ങളും തീർച്ചയായും സർവ്വാത്മനാ സ്വാഗതം ചെയ്യും. പക്ഷേ അതിലുപരിയായി എല്ലാ രാജ്യങ്ങളിലും സാമ്രാജ്യത്വ വിരുദ്ധ മുന്നേറ്റങ്ങളിലൂടെ സ്വയം നിയന്ത്രിത ആയുധങ്ങളുടെ ഉല്പാദനത്തിനെതിരെ പൊതുജനാഭിപ്രായം രൂപീകരിച്ചെടുക്കേണ്ടതിന്റെ അടിയന്തിരാവശ്യകതയുണ്ട്.
പക്ഷേ, സ്വയം നിയന്ത്രിത ആയുധങ്ങളുടെ ആസന്നമായ ഈ അപകടത്തോടൊപ്പം മറ്റൊരു അപകട ഭീഷണിയും മുതലാളിത്ത വ്യവസ്ഥിതിയിൽ ഉയർന്നുവരുന്നുണ്ട്. ലോകമെമ്പാടും ജോലി സ്ഥിരതയും സ്ഥിരജോലിയും ഒരു പഴങ്കഥയാക്കി മാറ്റിക്കൊണ്ട് കുറഞ്ഞ ശമ്പളത്തിൽ കൂടുതൽ ജോലി ചെയ്യേണ്ടി വരുന്ന താൽക്കാലികാടിസ്ഥാനത്തിലുള്ള കരാർ തൊഴിലുകൾ നിലവിൽ വന്നുകൊണ്ടിരിക്കുമ്പോൾ എങ്ങിനെയാണ് ഈ ഓട്ടോമേഷൻ ജനങ്ങളെ ബാധിക്കാൻ പോകുന്നത്? നിർദ്ദാക്ഷിണ്യമുള്ള ചൂഷണം നിലനിൽക്കുന്ന തൊഴിൽ രംഗം ഇപ്പോൾതന്നെ ജനങ്ങളെ വീർപ്പുമുട്ടിച്ചുകൊണ്ടിരിക്കുകയാണ്. മുതലാളിത്ത വ്യവസ്ഥയിൽ വളർന്നുകൊണ്ടിരിക്കുന്ന ഓട്ടോമേഷൻകൊണ്ട് എന്തുപയോഗമാണ് സാധാരണ ജനങ്ങൾക്കുണ്ടായത്? ലാഭം പരമാവധി വർദ്ധിപ്പിക്കാനായി വളരെയധികം ജനങ്ങളെ തൊഴിലിൽ നിന്നും നീക്കം ചെയ്യുവാൻ മാത്രമാണ് മുതലാളിത്തം യന്ത്രവൽക്കരണത്തെ ഉപയോഗപ്പെടുത്തിയിട്ടുള്ളത്. ഉദാഹരണമായി ആപ്പിൾ, ഗൂഗിൾ, ആമസോൺ എന്നീ കമ്പനികൾക്ക് ഉപകരണങ്ങൾ വിതരണം ചെയ്യുന്ന സാങ്കേതിക രംഗത്തെ ഭീമൻ കമ്പനിയായ എീഃരീിി, 2016-ൽ 60,000 ഫാക്ടറി തൊഴിലാളികൾക്ക് പകരം റോബോട്ടുകളെ ഉപയോഗിച്ചു. നിർമ്മിത ബുദ്ധി ഉപയോഗിച്ചുള്ള യന്ത്രവൽക്കരണം കാരണം വിവര സാങ്കേതികവിദ്യ രംഗത്തെ കുറഞ്ഞ വൈദഗ്ധ്യം ആവശ്യമുള്ള 30-40 ശതമാനം ജോലികൾ ഇല്ലാതാവുമെന്ന് പല കമ്പനി മേധാവികളും മുന്നറിയിപ്പ് നൽകിയിട്ടുണ്ട്. വിവര സാങ്കേതികവിദ്യ രംഗത്തെ നമ്മുടെ രാജ്യത്തെ സംഘടനയായ ചഅടടഇഛങ (ഠവല ചമശേീിമഹ അീൈരശമശേീി ീള ടീളംേമൃല മിറ ടലൃ്ശരല െഇീാുമിശല)െ ഈ മേഖലയിൽ ജോലി ചെയ്യുന്ന 40 ശതമാനം പേരെങ്കിലും അടുത്ത അഞ്ച് വർഷങ്ങൾക്കുള്ളിൽ പുതിയ സാങ്കേതിക വിദ്യകൾ പഠിക്കുകയും പുതിയ വൈദഗ്ധ്യങ്ങൾ ആർജ്ജിക്കുകയും ചെയ്താലേ തൊഴിൽ നഷ്ടം നിയന്ത്രിച്ചുനിർത്താൻ പറ്റുകയുള്ളൂ എന്ന് അഭിപ്രായപ്പെട്ടു (ഠവല ഠശാല െീള കിറശമ 09052017). ആൗശെില ൈജൃീരല ൈഛൗേീൌൃരശിഴ (ആജഛ) മേഖലകളിൽ 2020 ആകുമ്പോഴേക്കുതന്നെ തൊഴിൽ നഷ്ടപ്പെടാൻ തുടങ്ങുമെന്നത് ഇപ്പോൾതന്നെ അംഗീകരിക്കപ്പെട്ടുകൊണ്ടിരിക്കുന്ന ഒരു വസ്തുതയാണ്. പക്ഷേ ജനങ്ങളെ മാനസികമായി പരുവപ്പെടുത്തിയെടുക്കാൻ, നഷ്ടപ്പെടുന്ന തൊഴിലുകൾക്ക് പകരമായി പുതിയ തരം തൊഴിലുകൾ സൃഷ്ടിക്കപ്പെടുമെന്നും ആ സാഹചര്യം ഉപയോഗപ്പെടുത്താനായി പുതിയ വൈദഗ്ധ്യങ്ങൾ ആർജ്ജിക്കേണ്ടതുമുണ്ടെന്നുമുള്ള നുണ പ്രചാരണം മുതലാളി വർഗ്ഗം ബോധപൂർവ്വം നടത്തിക്കൊണ്ടിരിക്കുകയാണ്. അതിനുപുറമേ, വൈവിധ്യങ്ങളായ വൈദഗ്ധ്യങ്ങൾ ആർജ്ജിച്ചുകൊണ്ട് ആകർഷകമായ ഉയർന്ന ശമ്പളമുള്ള ജോലി സ്വായത്തമാക്കാൻ ധാരാളം ഉപദേശങ്ങളും ഇവർ ജനങ്ങൾക്ക് വിളമ്പിക്കൊണ്ടിരിക്കുന്നുണ്ട്. ശോഭനമായ ഭാവിയെക്കുറിച്ച് പറയുകയും അതോടൊപ്പംതന്നെ തൊഴിൽ മേഖലയിൽനിന്നും പുറത്താവുന്നത് മാറിയ സാഹചര്യത്തിനനുസരിച്ച് പുതിയ വൈദഗ്ധ്യങ്ങൾ നേടാൻ ശ്രമിക്കാത്തവരാണെന്നുമുള്ള സന്ദേശം വ്യംഗ്യമായി കൊടുക്കാനും ശ്രമിക്കുന്ന ഒരു ദ്വിമുഖ തന്ത്രമാണ് ഇപ്പോൾ കണ്ടുവരുന്നത്. ഈ രീതിയിൽ ഇപ്പോൾ നിലനിൽക്കുന്ന തൊഴിലുകൾപോലും വെട്ടിച്ചുരുക്കാൻ വഴിതെളിക്കാനുള്ള ശ്രമം മുതലാളിത്ത വ്യവസ്ഥിതി ആരംഭിച്ചുകഴിഞ്ഞു.

ബിസിനസ്സ് പ്രോസസ്സ് ഔട്ട്‌സോഴ്‌സിംഗ് രംഗത്തും വിവര സാങ്കേതികവിദ്യ രംഗത്തും ഉണ്ടാകുമെന്ന് പ്രവചിച്ച തൊഴിൽ നഷ്ടം ഒരു തുടക്കം മാത്രമാണ്. ബാങ്കിംഗ്, നിർമ്മാണ മേഖല, ഖനനം, സാമൂഹ്യമേഖല, സേവന മേഖല തുടങ്ങിയ ഉല്പാദനത്തിന്റെയും തൊഴിലിന്റെയും എല്ലാ രംഗങ്ങളിലും ഓട്ടോമേഷൻ (അൗീോമശേീി) നിശ്ചയമായും വരാൻ പോകുകയാണ്. ങരഗശില്യെ ഏഹീയമഹ കിേെശൗേല ന്റെ അടുത്തകാലത്തെ റിപ്പോർട്ട് പ്രകാരം 2030 ആകുമ്പോഴേയ്ക്കും ഇപ്പോഴുള്ള ആകെ തൊഴിലുകളുടെ മൂന്നിൽരണ്ട് ഭാഗത്ത് ചുരുങ്ങിയത് 30 ശതമാനം പ്രവർത്തനങ്ങളിലെങ്കിലും ഓട്ടോമേഷനുണ്ടാവുകയും അത് 800 മില്യൺ തൊഴിലുകളെ ബാധിക്കുകയും ചെയ്യും.

ഇന്ന് നിർമ്മിത ബുദ്ധി-റോബോട്ടിക്‌സ് മേഖലയിലുണ്ടായ അത്ഭുതകരമായ നേട്ടങ്ങളും ശാസ്ത്രത്തിന്റെയും സാങ്കേതിക വിദ്യയുടെയും മേഖലകളിലുണ്ടായ അതിശയിപ്പിക്കുന്ന മുന്നേറ്റവും മനുഷ്യ ജീവിതത്തെ സമ്പുഷ്ടമാക്കിക്കൊണ്ട് വമ്പിച്ച സാമൂഹിക പുരോഗതി കൈവരിക്കാനുള്ള അനന്ത സാധ്യതകൾ സൃഷ്ടിക്കുമ്പോൾ മുതലാളിത്ത വ്യവസ്ഥിതി ഈ മുന്നേറ്റം ഉപയോഗപ്പെടുത്തുന്നത് ലാഭത്തിനു വേണ്ടി ജനങ്ങളെ ബലിയാടാക്കാനും എല്ലാ തരത്തിലുമുള്ള യാതനകളും പീഡനങ്ങളും ജനങ്ങൾക്ക് നൽകിക്കൊണ്ട് സാമൂഹ്യപുരോഗതിയെ തടസ്സപ്പെടുത്താനുമാണെന്നത് തികച്ചും വിരോധാഭാസമാണ്. എന്നാൽ ഈ വിഷയത്തിൽ ചിന്താക്കുഴപ്പം ഉണ്ടാകേണ്ടതില്ല. നിർമ്മിത ബുദ്ധിയിലും റോബോട്ടിക്‌സിലുമുണ്ടായ വമ്പിച്ച വികാസമല്ല മറിച്ച് കാലഹരണപ്പെട്ട മുതലാളിത്തമാണ് പ്രശ്‌നങ്ങളുണ്ടാക്കുന്നത്. ശാസ്ത്ര-സാങ്കേതിക രംഗത്തുണ്ടാകുന്ന വളർച്ചയിലൂടെ നിർബാധം വളർന്നു വികസിക്കുന്ന ഉല്പാദന ശക്തികളും മാറ്റമില്ലാതെ സ്ഥായിയായി നിൽക്കുന്ന മുതലാളിത്ത ഉല്പാദന ബന്ധവും തമ്മിലുളള അപരിഹാര്യമായ വൈരുദ്ധ്യം എങ്ങിനെ സാമൂഹ്യ പുരോഗതിയെ തടസ്സപ്പെടുത്തുന്നുവെന്നതാണ് ഇതിലൂടെ വ്യക്തമാകുന്നത്. അതുകൊണ്ട് നിർമ്മിത ബുദ്ധിയിലും റോബോട്ടിക്‌സിലും ശാസ്ത്ര-സാങ്കേതിക രംഗങ്ങളിലുമുണ്ടായ അതിശയിപ്പിക്കുന്ന വികാസത്തിന്റെ അപകടകരമായ ദുരുപയോഗം ഉണ്ടാക്കുന്ന പ്രശ്‌നങ്ങൾ പരിഹരിക്കാനുളള ഒരേയൊരു മാർഗ്ഗം കാലഹരണപ്പെട്ട മുതലാളിത്ത വ്യവസ്ഥിതി ഇല്ലാതാക്കി സോഷ്യലിസ്റ്റ് വ്യവസ്ഥിതി സ്ഥാപിച്ചെടുക്കുക എന്നത് മാത്രമാണ്. ഇതിനു മാത്രമേ ശാസ്ത്രത്തെയും സാങ്കേതിക വിദ്യയെയും മുതലാളിത്തത്തിന്റെ ലാഭാർത്തിയുടെ പിടിയിൽനിന്നും മോചിപ്പിച്ചുകൊണ്ട് സമൂഹത്തിന്റെ നിർബാധമായ മുന്നേറ്റത്തിനും പുരോഗതിക്കുമായി പൂർണ്ണമായി ഉപയോഗിക്കാനുള്ള സാഹചര്യം സൃഷ്ടിക്കാനാവൂ. ഇത് വെറുമൊരു സിദ്ധാന്തമല്ല. മറിച്ച്, മൊത്തം സമൂഹത്തിന്റെ ബൗദ്ധികവും സാംസ്‌കാരികവുമായ ആവശ്യകതയെ പരമാവധി തൃപ്തിപ്പെടുത്താനായി ഉല്പാദനം നടത്തിയ സോഷ്യലിസ്റ്റ് വ്യവസ്ഥയിൽ ജനജീവിതത്തിന്റെ എല്ലാ മേഖലകളിലുമുണ്ടായ ഉയർച്ചയും വികാസവും തെളിയിച്ച വസ്തുതയുമാണ്. ഉയർന്ന സാങ്കേതിക വിദ്യ ഉപയോഗിച്ച് ഉല്പാദന പ്രക്രിയയെ നിരന്തരം വികസിപ്പിച്ചുകൊണ്ട് മുന്നോട്ട് പോയ സോഷ്യലിസ്റ്റ് വ്യവസ്ഥിതിയിൽ സമ്പദ്ഘടനയ്ക്കും ശാസ്ത്രത്തിനും സാങ്കേതിക വിദ്യയ്ക്കും ഉണ്ടായ പുരോഗതിയുടെ ഫലമായി സ്റ്റാലിൻ അദ്ദേഹത്തിന്റെ നിര്യാണത്തിന് തൊട്ടുമുൻപ് സോവിയറ്റ് യൂണിയനിൽ തൊഴിൽ സമയം ആറോ അല്ലെങ്കിൽ അഞ്ചോ മണിക്കൂറായി കുറയ്ക്കുന്നതിനെക്കുറിച്ചും ശമ്പളം ഇരട്ടിയാക്കുന്നതിനെക്കുറിച്ചും എല്ലാവർക്കും ഉയർന്ന സാങ്കേതിക വിദ്യാഭ്യാസം നൽകുന്നതിനെക്കുറിച്ചും ആലോചിക്കുകയുണ്ടായി. ഇത് നടന്നത് നിർമ്മിത ബുദ്ധിയെക്കുറിച്ച് കേട്ടിട്ടുപോലുമില്ലാത്ത കാലത്താണെന്നത് പ്രത്യേകം എടുത്തുപറയേണ്ടതാണ്.
സാമൂഹ്യ വികാസത്തിന്റെ നിയമങ്ങൾക്കനുസരിച്ച് സമ്പദ്ഘടനയിലെ ഉല്പാദന ബന്ധത്തിൽ വിപ്ലവകരമായ മാറ്റം കൊണ്ടുവരേണ്ടതിന്റെ ആവശ്യകതയിൽ ആണ് ഇന്ന് നാം എത്തിനിൽക്കുന്നത്. അതിനായി, നിർമ്മിത ബുദ്ധിയിലും റോബോട്ടിക്‌സിലുമുണ്ടായ വമ്പിച്ച മുന്നേറ്റത്തെ ദുരുപയോഗം ചെയ്യുന്നതിനെതിരെ ലോകമെമ്പാടുമുളള ജനാധിപത്യ വിശ്വാസികളെയും സമാധാന കാംക്ഷികളെയും ഒരുമിപ്പിച്ചുകൊണ്ട് ശക്തമായ സാമ്രാജ്യത്വ വിരുദ്ധ പ്രക്ഷോഭം വളർത്തിയെടുക്കുക എന്നതാണ് നമ്മുടെ അടിയന്തര കർത്തവ്യം.

Share this