തകർന്നടിയുന്ന പൊതുജനാരോഗ്യ സംവിധാനം
കേരളത്തിലെ സര്‍ക്കാര്‍ ആശുപത്രികളില്‍ മരുന്നിനുപോലും മരുന്നില്ല എന്നത് ഏതാനും ആഴ്ചകളായി എല്ലാ മാധ്യമങ്ങളിലെയും പ്രധാന വാര്‍ത്തയാണ്. പാരസെറ്റമോള്‍, ആന്റിബയോട്ടിക്കുകള്‍, ഒആര്‍എസ് ലായനി, നോര്‍മല്‍ സലൈന്‍, ടിടി കുത്തിവയ്പ് തുടങ്ങി ഏറെ ആവശ്യമുള്ള മരുന്നുകള്‍പോലും സര്‍ക്കാര്‍ ആശുപത്രികളില്‍ സ്റ്റോക്കില്ല. പല ആശുപത്രികളിലും ജീവന്‍രക്ഷാമരുന്നുകളും ജീവിതശൈലീ രോഗങ്ങള്‍ക്കുള്ള മരുന്നും ഇല്ല. രണ്ടുമാസത്തേയ്ക്ക് നല്‍കിവന്നിരുന്ന ജീവിതശൈലീരോഗങ്ങള്‍ക്കുള്ള മരുന്നുകള്‍ ഇപ്പോള്‍ രണ്ടാഴ്ച, പത്തുദിവസം, ഒരാഴ്ച എന്ന കാലയളവിലേക്ക് ചുരുങ്ങിയിരിക്കുന്നു എന്നതിനാല്‍ ഈ മരുന്നുകള്‍പോലും പുറത്തുനിന്ന് വാങ്ങേണ്ട സ്ഥിതിയിലാണ് ജനങ്ങള്‍. പനിബാധിതരുടെ എണ്ണത്തിൽ വൻവർദ്ധനവുണ്ടായിരിക്കുന്ന […]
