കെഎസ്ആർടിസി നേരിട്ടുകൊണ്ടിരിക്കുന്ന സാമ്പത്തിക പ്രതിസന്ധിയുടെപേരിൽ വിദ്യാർത്ഥികളുടെ അവകാശമായ യാത്രാസൗജന്യം പരിമിതപ്പെടുത്താനുള്ള കെഎസ്ആർടിസി മാനേജ്മെന്റിന്റെ നീക്കം പിൻവലിക്കണമെന്ന് എഐഡിഎസ്ഒ സംസ്ഥാന പ്രസിഡന്റ് എസ്. അലീന ആവശ്യപ്പെട്ടു. പുതിയ തീരുമാനപ്രകാരം ഒരു ബസിന് പരമാവധി 25വിദ്യാർത്ഥികൾ എന്ന നിരക്കില്‍ മാത്രമേ കൺസഷൻ അനുവദിക്കുകയുള്ളൂ. ആദ്യഘട്ടം എന്ന നിലയിൽ അഞ്ചൽ-കൊട്ടിയം റൂട്ടിൽ യാത്രാസൗജന്യത്തിന് നിയന്ത്രണമേർപ്പെടുത്തിക്കൊണ്ട് ഉത്തരവിറക്കുകയും ചെയ്തിട്ടുണ്ട്.വിദ്യാർത്ഥികൾക്ക് യാത്രാ സൗജന്യം നൽകുന്നതുമൂലം കെഎസ്ആർടിസി പ്രതിസന്ധി നേരിടുന്നുവെന്ന വാദം അധാർമ്മികമാണ്. ഒരു റൂട്ടിൽ ദിവസം പരമാവധി രണ്ടോ മൂന്നോ ട്രിപ്പിലാണ് വിദ്യാർത്ഥികൾ യാത്രക്കാരായിട്ടുണ്ടാകുക. […]
പത്തനംതിട്ട ഇലന്തൂരിൽ നടന്ന ആഭിചാര കൊലപാതകങ്ങളെ എസ്‌യുസി ഐ(കമ്മ്യൂണിസ്റ്റ്) സംസ്ഥാന കമ്മിറ്റി ശക്തമായി അപലപിച്ചു. സംഭവത്തെക്കുറിച്ച് സമഗ്രവും പഴുതില്ലാത്തതുമായ അന്വേഷണം നടത്തണമെന്നും കിരാതമായ ഈ സംഭവത്തിൽ ഉൾപ്പെട്ട മുഴുവൻ പ്രതികൾക്കും കർശന ശിക്ഷ ഉറപ്പാക്കണമെന്നും എസ്‌യുസിഐ(കമ്മ്യൂണിസ്റ്റ്) ആവശ്യപ്പെട്ടു. മാസങ്ങൾക്കുമുമ്പ് ഒരു സ്ത്രീയെ കടത്തിക്കൊണ്ടുവരികയും കൊലപ്പെടുത്തുകയും ചെയ്തതിൽ കൃത്യമായി അന്വേഷണം നടന്നിട്ടില്ല എന്നത് ഗുരുതരമായ കൃത്യവിലോപമാണ്. സംഭവം ആവർത്തിക്കാനും ഒരാളുടെ കൂടി ജീവൻ നഷ്ടപ്പെടാനും ഇത് കാരണമായി.വാളയാർ പെൺകുട്ടികളുടെ കൊലപാതകത്തിൽ സംഭവിച്ചകാര്യങ്ങൾ വീണ്ടും ആവർത്തിക്കുന്നു എന്നത് വളരെ ഗൗരവത്തോടെ […]
ലൈംഗിക പീഡന പരാതിയിൽ സിവിക് ചന്ദ്രന് ജാമ്യം അനുവദിച്ചുകൊണ്ട് കോഴിക്കോട് സെഷൻസ് കോടതി അതിജീവിതയ്ക്കെതിരായി നടത്തിയ പരാമർശം അങ്ങേയറ്റം സാമൂഹ്യവിരുദ്ധമാണ്. എസ്‌സി/എസ്‌ടി അതിക്രമവു൦ ബലാത്സംഗവു൦ ഉൾപ്പെട്ട ഒരു കേസിൽ ഇവ്വിധത്തിൽ ജാമ്യം അനുവദിക്കുന്നതുതന്നെ കോടതികളുടെ വിശ്വാസ്യതയെ ചോദ്യം ചെയ്യുന്നതാണ്. അതോടൊപ്പം കുറ്റാരോപിതൻ സമർപ്പിച്ച ഫോട്ടോകണ്ട്, പെൺകുട്ടിയുടെ വസ്ത്രധാരണം പ്രലോഭനീയമാണെന്നതിനാൽ 354 വകുപ്പ് നിലനില്‍ക്കില്ല എന്ന പരാമർശം സ്ത്രീവിരുദ്ധവു൦, തന്റെ പരിധിയിൽ അല്ലാത്ത ഒരു കേസിനെ സംബന്ധിച്ചു തെറ്റായ സൂചനകൾ നൽകി പ്രതിക്കൊപ്പ൦ ചേരുന്നതുമാണ്. സ്ത്രീ പീഡന കേസുകളിലോ, […]
വിഖ്യാത സാഹിത്യകാരൻ സൽമാൻ റുഷ്ദിക്കു നേരെ ന്യൂയോർക്കിലെ ചൗട്ടോഖ്വയിൽ ഒരു മതമൗലികവാദി നടത്തിയ വധശ്രമം ലോകത്തെമ്പാടും വളർന്നു വരുന്ന അസഹിഷ്ണുതയുടെയും മൗലികവാദത്തിന്റെയും ലക്ഷണമാണ്. കലാപ്രവർത്തകരുടെ സർഗ്ഗാത്മകത മാത്രമല്ല, ജനാധിപത്യസങ്കല്പങ്ങൾ തന്നെയും നേരിടുന്ന അപകടം എത്ര തീക്ഷ്ണമാണെന്ന് ഈ ആക്രമണം വെളിപ്പെടുത്തുന്നു.‘സാറ്റാനിക് വേഴ്സസ് ‘ എന്ന നോവൽ പ്രസിദ്ധീകരിച്ചതിനു പിന്നാലെ 1989ൽ അദ്ദേഹത്തിനെതിരെ ഇറാനിലെ ആത്മീയനേതാവായ ആയത്തുള്ള ഖൊമൈനി പുറപ്പെടുവിച്ച ഫത്വയെത്തുടർന്ന് ഇസ്ലാമിക മൗലികവാദികളിൽ നിന്ന് അദ്ദേഹത്തിനെതിരെ നിരന്തരമായ ഭീഷണികളുണ്ടായിട്ടുണ്ട്. ലോകമാസകലം പ്രത്യക്ഷമാകുന്ന മതമൗലികവാദത്തിന്റെ ഉയിർത്തെഴുന്നേല്പ് ആധുനിക ജനാധിപത്യ […]
പേവിഷബാധയേറ്റ് ഈ വർഷം മാത്രം കേരളത്തിൽ മരിച്ചത് 21 പേരാണ്. ജനങ്ങളിൽ വലിയ പരിഭ്രാന്തിയാണ് തുടരെ തുടരെയുള്ള മരണങ്ങൾ സൃഷ്ടിച്ചിട്ടുള്ളത്. എന്നാൽ ഇത്രയൊക്കെ സംഭവിച്ചിട്ടും ശാസ്ത്രീയവും ഫലപ്രദവുമായ ഒരു നടപടിയും സ്വീകരിക്കാൻ സർക്കാർ തയ്യാറായിട്ടില്ല.തെരുവ് പട്ടികളുടെ എണ്ണം ക്രമാതീതമായി വർദ്ധിച്ചിരിക്കുന്നതാണ് പ്രശ്നങ്ങളുടെ മൂലകാരണം. വന്ധ്യംകരണ ശ്രമങ്ങളൊന്നും വിജയിച്ചില്ല എന്നാണല്ലോ ഇതിനർത്ഥം. വൈറസ് വാഹകരായി പ്രവർത്തിക്കുന്ന തെരുവ് പട്ടികളുടെ വർദ്ധനവ് മനുഷ്യനിലേക്ക് റാബീസ് സംക്രമിക്കുന്നതിനുള്ള സാധ്യത വർദ്ധിപ്പിക്കുന്നു. തെരുവ് പട്ടികളും വളർത്ത് മൃഗങ്ങളും ഇടപഴകി ജീവിക്കുന്ന ഇടങ്ങളിൽ വളർത്ത് […]
കോഴിക്കോട് ആവിക്കൽതോട് മാലിന്യ നിര്‍മാര്‍ജന പ്ലാന്റിനെതിരെ സ്ഥലവാസികൾ നടത്തിക്കൊണ്ടിരിക്കുന്ന സമരത്തിനുനേരെ പോലീസ് നടത്തിയ അതിക്രമത്തിൽ എസ്‌യുസിഐ(കമ്മ്യൂണിസ്റ്റ്) ജില്ലാ കമ്മിറ്റി പ്രതിഷേധിച്ചു. മാലിന്യ നിര്‍മാര്‍ജ്ജന പ്ലാന്റിനെതിരെ സ്ഥലവാസികളില്‍ നിലനില്ക്കുന്ന ആശങ്കകൾ പൂര്‍ണ്ണമായി പരിഹരിക്കുന്നതുവരെ പദ്ധതിയുമായി ബന്ധപ്പെട്ട എല്ലാ പ്രവര്‍ത്തനങ്ങളും നിർത്തിവയ്ക്കണം. ബലപ്രയോഗത്തിലൂടെയല്ല ജനങ്ങളെ വിശ്വാസത്തിലെടുത്തുകൊണ്ടും പൂര്‍ണ്ണ സഹകരണത്തോടെ യുമായിരിക്കണം ഒരു ജനാധിപത്യക്രമത്തില്‍ ഏതൊരു ഭരണ സംവിധാനവും ഏതൊരു പദ്ധതിയും നടപ്പിലാക്കേണ്ടത്. പോലീസ് നടപടിയിൽ ജനങ്ങൾക്കുണ്ടായ കഷ്ട നഷ്ടങ്ങൾക്ക് ഉടൻ പരിഹാര൦ കാണണമെന്നും ജില്ലാ കമ്മിറ്റി പ്രസ്താവനയിൽ ആവശ്യപ്പെട്ടു.
വനാതിർത്തികളിൽ ബഫർസോൺ പ്രഖ്യാപിച്ച സുപ്രീം കോടതി ഉത്തരവ് പുനഃപരിശോധിക്കാൻ, ഉത്തരവിൽത്തന്നെ നൽകിയിട്ടുള്ള സാധ്യത ഉപയോഗപ്പെടുത്തി സംസ്ഥാന സർക്കാർ ഉടൻ പുനഃപരിശോധനാ ഹർജി നൽകണമെന്ന് എസ്‌യുസിഐ(കമ്മ്യൂണിസ്റ്റ്) കേരള സംസ്ഥാന കമ്മിറ്റി ആവശ്യപ്പെട്ടു. വനം നശിപ്പിക്കുന്നത് വൻകിടക്കാരും ഒത്താ ശ ചെയ്യുന്നത് സർക്കാരുകളുമാണ്. ഈ ഒത്താശയാണ് സന്തുലിതമല്ലാത്ത കോടതി വിധിയിലേക്ക് നയിച്ചത്. ആദിവാസികളും ചെറുകിട കർഷകരുമൊക്കെ വനത്തിന്റെ സംരക്ഷകരാണ്. ഇവരെ സംരക്ഷിക്കുകയും വനം കൈയേറ്റക്കാരെയും ഖനന മാഫിയകളേയുമൊക്കെ കർശനമായി നേരിടുകയുമാണ് ചെയ്യേണ്ടത്. വനാതിർത്തിയോട് ചേർന്ന് ബഫർസോണായി പ്രഖ്യാപിക്ക പ്പെടുന്ന ഒരു […]
ആദിവാസി ഊരുകളിൽ പുറത്തുള്ളവർക്ക് പ്രവേശിക്കുവാൻ മുൻകൂർ പാസ്സ് ഏർപ്പെടുത്തിക്കൊണ്ടുള്ള പട്ടിക വർഗ്ഗ വികസന വകുപ്പിന്റെ ഉത്തരവ്, ആദിവാസി സമൂഹത്തെ കാഴ്ചവസ്തുവാക്കി മാറ്റുന്നതും, ജനാധിപത്യ-നിയമവാഴ്ചയുടെ ലംഘനവുമാണെന്നും ഉടൻ പിൻവലിക്കണമെന്നും എസ്‌യുസിഐ(കമ്മ്യൂണിസ്റ്റ്) വയനാട് ജില്ലാ കമ്മിറ്റി ജൂണ്‍ 2ന് പ്രസ്താവനയിൽ ആവശ്യപ്പെട്ടു. ആദിവാസികളുമായി ഇടപെടാൻ പാസ്സ് ഏർപ്പെടുത്തുന്നതിലൂടെ സർക്കാർ വിവേചനം സൃഷ്ടിക്കുകയാണ്. ഇത് ഭരണഘടനയുടെ ലംഘനമാണ്.ആദിവാസികൾ കടുത്ത അവകാശ നിഷേധങ്ങൾക്കും മനുഷ്യാവകാശ ലംഘനങ്ങൾക്കും വിധേയമാകുന്നതും, മനുഷ്യോചിതമല്ലാത്ത ഭൗതിക സാഹചര്യത്തിൽ ജീവിക്കേണ്ടി വരുന്നതും മാദ്ധ്യമങ്ങളും സാമൂഹ്യ പ്രവർത്തകരുമാണ് പുറംലോകത്തെ അറിയിക്കുന്നത്. ഇത് […]
മീഡിയ വൺ വാർത്താ ചാനലിന്റെ സംപ്രേഷണ ലൈസൻസ് റദ്ദാക്കിയ കേന്ദ്ര വാർത്താവിനിമയ മന്ത്രാലയത്തിന്റെ ഉത്തരവ് കേരള ഹൈക്കോടതി സിംഗിൾ ബഞ്ച് ശരിവച്ചിരിക്കുന്നു. ‘ദേശസുരക്ഷ’യെ മുൻനിർത്തിയാണത്രെ നടപടി. എന്നാൽ മീഡിയ വൺ ചാനൽ ദേശസുരക്ഷക്ക് അപകടകരമാകുന്ന എന്ത് കുറ്റമാണ് ചെയ്തതെന്ന് ഉത്തരവിൽ വ്യക്തമാക്കുന്നില്ല. ലൈസൻസ് പുതുക്കരുതെന്ന ഉദ്യോഗസ്ഥതല സമിതിയുടെ ശുപാർശ ആഭ്യന്തര മന്ത്രാലയം അംഗീകരിച്ചതായാണ് മനസ്സിലാക്കുന്നതെന്നും അതുകൊണ്ട് വിലക്ക് പിൻവലിക്കാനായി സമർപ്പിക്കപ്പെട്ട ഹർജ്ജികളിൽ ഇടപെടാനാകില്ലെന്നും മറ്റുമുള്ള ഹൈക്കോടതിയുടെ വിശദീകരണം നിശ്ചയമായും ജനാധിപത്യ മനഃസാക്ഷിയെ ഞെട്ടിപ്പിക്കുന്നു. മാധ്യമ സ്വാതന്ത്ര്യത്തെയും ജനാധിപത്യ […]
ആതുരസേവന രംഗത്തേയ്ക്ക് പ്രവേശിക്കുന്ന മെഡിക്കൽ ബിരുദധാരികൾ തങ്ങൾ വൈദ്യശാസ്ത്രത്തിന്റെ മൂല്യങ്ങളും നൈതികതയും ഉയർത്തിപ്പിടിച്ചുകൊണ്ട് സമർപ്പിതമായി പ്രവർത്തിക്കുമെന്ന പ്രഖ്യാപനമാണ് ഹിപ്പൊക്രറ്റിക് പ്രതിജ്ഞയിലൂടെ ചെയ്യുന്നത്. പ്രാചീന ഗ്രീസിലെ പ്രമുഖ ഭിഷഗ്വരനായിരുന്ന ഹിപ്പോക്രറ്റസിന്റെ പേരിൽ അറിയപ്പെട്ടുന്ന ഈ പ്രതിജ്ഞ രാജ്യങ്ങളുടെ അതിർവരമ്പുകളില്ലാതെ ലോകവ്യാപകമായി മെഡിക്കൽ വിദ്യാഭ്യാസരംഗത്ത് കലാകാലങ്ങളായി അനുവര്‍ത്തിച്ച് പോരുന്നതാണ്. ഹിപ്പോക്രറ്റസിനെ ഗ്രീസ് എന്ന രാജ്യത്തിന്റെ പ്രതിനിധിയായല്ല, മറിച്ച് വൈദ്യശാസ്ത്ര രംഗത്ത് അതുല്യമായ സംഭാവനകൾ നൽകിയ മഹാനായ ഭിഷഗ്വരനായാണ് ആധുനിക വൈദ്യശാസ്ത്രം കാണുന്നത്. ഹിപ്പൊക്രറ്റിക് പ്രതിജ്ഞയാകട്ടെ അതിന്റെ പ്രാചീന രൂപത്തിലല്ല ഇപ്പോൾ […]
